بند الكهرباء من اهم البنود فى مراحل التشطيب لاى شقة , لأن الغلطة فيه بفورة ,,, وممكن لا قدر الله يعمل مشكله فيما بعد ف تلف الأجهزة أو حدوث حريق لا قدر الله,

قبل ما نتكلم في بند الكهرباء ,,, لازم تكون عارف انت هتفرش إيه و فين ؟
مكان السرير هيكون فين ؟؟ مكان الكنبه ؟؟ مكان التليفزيون … هتعمل تليفزيون في اكتر من أوضة ولا لأ , التكييفات اللى هتجيبها كام حصان ؟؟ هتعمل أباليك ولا لأ ؟ وفين اماكنها ؟؟ هتعمل جيبسم بورد ولا لأ ؟؟ ,,, لأن كل اجابة الاسئلة دي هيحدد حاجات كتير

ازاي يعني ؟؟؟  هفهمك

*لو هتعمل سرير ف أوضة , الطبيعي ان الكهربا تكون شمال ويمين السرير ,, عشان لو انت نايم وعايز تشحن موبايلك او  تنور الاباجورة او توصل الاب توب و هكذا …………..
لو هتحط كنبه ؟ هتحطها فين ؟؟ عشان على اساس اجابتك هيعملك الكهربا بجانب الكنبة متجيش تحط الكنبه

الكهربا…..تلاقي الكهربا ورا الكنبهيبقي انتا كدة بتداري على الكهربا بتاعتك. فالفرش مهم جدا في توزيع

مهم جدا انك تعرف كمان اماكن كل حاجه ف المطبخ ,,, مكان البوتجاز مثلا و لو فيه شفاط هيبقى مكانة فينولوفية غساله ملابس هيبقى مكانها فين او غسالة اطباق و هكذا …………

فكل حاجه هتتحط في الفرش لازم يكون متحدد اماكنها بالظبط عشان تلاقي ان الكهرباء باينة وتقدر تستخدمها صح بعد الفرش

وبالنسبة للاسقف لو هتعمل جيبسم بورد وفيه سبوتات ؟؟ لازم تحددله من الاول .. عشان لازم ترميله خرطوم فوق للسبوتات في عملية التأسيس منعا للتكسير لاحقا

و التكييفات كمان لازم تبقى عارف هتركبها فين لان التكييفات فيه منها بيطلعلها الكهربا عند الكباس بره وفيه عند الوحدة اللى بتتعلق جوة الشقه .. على حسب رأي فني التكييف .

 يالا نبدأ

هيجيلك الكهربائي ويعرف منك التفاصيل كلها
وتبدأ في مرحلة شراء الخامات اللي هيطلبها منك ,, خلي بالك ان خامات الكهرباء مكلفة
هتروح تجيبها ؟؟ طب إجيبها منين ؟؟
بص يا سيدي الفاضل ,, لازم تشتري حاجتك من محل موثوق فيه لأن حاجات الكهرباء وبالذات السلوك بيكون فيها لعب كتيير ,,, والسلك مبيكونش أصلي وبيكون مضروب ودة اللي بيعمل مشاكل فيما بعد فلازم ابقى عارف انا بشترى خاماتى من مين واكون واثق فيه جدا …. خامات السلوك من اهم البنود فى تأسيس الكهرباء

بالنسبة لعلب وخراطيم الكهربا :- هى عبارة عن شبكة مربوطة ببعض ومتصلة بلوحة رئيسية اللى بيبقى فيها المفاتيح الكتير ديه و بعد كدة بيمشى السلوك جوة الخراطيم لحد اللوحة الرئيسية .

الكهربائي بيبدأ في التكسير عشان يثبت علب الكهرباء وبعد كدة بيمد الخراطيم ويبدأ يعمل شبكة بين العلب

وبعضها ويشد سلك بينهم ,,, ويعملك مخرج سلك بس في اي مكان محتاج سلك فقط زي مراية الحمام وشفاط البوتجاز والاباليك ولو هتعملاناره خفيه

ويجمع اللوحة ويركبلك مفاتيح اللوحة الرئيسية ,,,, تمام كدة ؟؟


هيكلمك ويقولك تعالي يا استاذنا استلم

حضرتك هتكون رايح ف الطريق مش عارف هتستلم منه إيه ؟؟ ..احنا هنقولك

 

1- لازم تتأكد ان العلب السفلية كلها على نفس المستوي ولو حتي بالعين . لازم تكون متابعه وهو شغال انه بيتأكد وبيظبطهم مش بيثبت كدة وخلاص وانه بيمسك على كل علبةميزان المياه ويوزنها ,,, ليه بقي ؟؟ عشان لو فيه علبتين جنب بعض  وهتيجي تركب الوش الخارجي بتاعهم… هتلاقي واحد مايل عن التاني ,,, وهتبقي شكلها مش لطيف …

2- لازم تتأكد انه وزعلك الاضاءه زي ما انت عايز مثلا زى  المفتاح دة بينور السبوتات  كذه وهكذا …..

3- تتأكد ان العلب والخراطيم مش بارزة عن المحاره القديمة ومتثبته كويس عشان لما تجيب مبيض محاره

يعمل المرمات مكن التكسير ميلاقيش الخرطوم بارز عن الحيطةلان كدة بيدايقه وبيتعبه فى الشغل

لو هتشتغل كهربا في شقة بنخلى مبيض المحارة يعمل حاجة اسمها بؤج ( البؤج دى عبارة عن مستطيل بيتعمل من خليط من المونة الاسمنتية بنعملها عشان نظبط بيها الحيطة تطلع كلها متساويه وبتبقى منتشرة فى الحائط وكلها على مستوى واحد  فبيجى الكهربائى ويظبط وش العلبة مع وش البؤجة وبعد كدة لما يخلص الكهربائى ..يدخل مبيض المحارة يشتغل على البؤج اللى عملها واللى اشتغل عليها الكهربائى فى ظبط وش العلبة وبكدة مبيض المحارة بيشتغل بكل سهولة ومنغير تهدير فى المونة  لان علب الكهرباء مش هتكون بارزة لاننا اشتغلنا على البؤج اللى هو عملهافى الاول .

4- علب المطبخ والحمامات متثبتهاش ,,, ليه بقي ؟؟ عشان تعرف تحركها براحتك لو قابلت بلاطة ديكور و انت بتركبها .

5- مناسيب علب الكهربا الكهربائي بيكون عارفها بس لازم تأكد وراهومنسوبها هو عباره عن ارتفاعها من الارضية …… طب الارضية مش موجودة

لا مهو قبل البدء فى عمل الكهرباء لازم اعمل شرب …. ايه الشرب دة ؟؟؟

تعالى نتكلم شويه عن الشرب دة اعملة ازاى وبستخدمة فى اية

الشرب دة هو انك هتيجىقدام مدخل الشقه عند السلم وهعمل علامه على ارتفاع 1.10 متر من

ارضية الخرسانة ( 10 سم لتشطيب الارضية ) وابدأ انقل الشرب دة داخل الشقه على جميع الجدران بالشقه

طاب بستخدمة فى ايه بقى هقولك

1- ظبط منسوب بلاط الارضيات

2- تركيب الاسقف المعلقه علي ارتفاع معين .

3- تعيين منسوب اعتاب الابوب علشان بيبقو كلهم ف مستوي واحدوخللي بالك من النقطه دى اوي خصوصا لو هتركب ابواب جاهزه علشان لو الاعتاب مش علي ارتفاع ثابت هتضطر تكسر عند الاعتاب علشان تعرف تركب الابواب

4- تحدييد منسوب حلوق الابوباب اللي بيبقي ارتفاعها 2.2 متر او بمعني اخر بطلع من الشيرب مسافه 1.2 متر وابقي كدا حددت منسوب الحلوق .

5-بظبط منه مسنوب البيبه وميول مواسير الصرف للحمامات والميول بتبقى ( 1سم لكل متر ) وهتلاقى مقالة للبند وهو بند السيراميك .

6- ظبط علب الكهربا والبرايز علشان يكيونو ف منسوب واحد لغرض الشكل الجمالي .

اتكلمنا عن الشرب وعرفت هو ايه وبنستخدمة فى ايه تعالى بقى نكمل بند الكهربا

يبقى مثلا  لو الشرب على 1 م من الارضيةوالعلبه على 30 سم من الاضية يبقى لما تقيس من الشرب للعلبة يديك الفرق بينهم اللى هو 70 سم

مناسيب المفاتيح والبرايز والاباليك

  • المفاتيح منسوبها 90 سم من الارضية
  • البرايز السفلية 30 سم من الارضية
  • الاباليك 180 سم من الارضية
  • برايز ومفاتيح المطابخ والحمامات 120 سم من الارضية

 مساحة مقاطع سلوك الكهربا واستخدامها

  • سلك التكييفات يفضل يكون 6 مم حتي لو قدرته قليلة
  • سلك برايز القوي 4 مم او 6 مم
  • البرايز والمفاتيح 3 مم
  • السبوتات 1.5 او 2 مم

ملحوظة :- لازم تتأكد من الاسعار وانت بتشتري وتسأل عليها في كذة مكان وتتأكد ان السلك عنده سليم فلازم لما تجيبه توريهللكهربائي عشان يتأكدلك من نوعه و مساحة مقطعه .

6- تتأكد من اماكن الدش والتليفونات والبرايز والمفاتيح زي ما قولتله بالظبط

المصنعيات


فيه طريقتين للمصنعيات وهما :-

الطريقة الاولى :-ان الكهربائي هييجي يقولك انا هاخد الشقه مقطوعية وفى الحالة دى هو مسئول انه يعملك اى طلب انت عايزة ف الكهربا .

الطريقة الثانية :-وهى انه يتحاسب معاك بالقمة على حسب هى ( قوى ولا بريزة عادية ولا بريزة تكييف )

وتكون البريزة العادية سعرها اقل من القوى و القوى سعرها اقل من التكيف .

الاسعار كالاتى :-

سعر اللقمة من 35 لحد 65 جنيه و مخرج السبوت من 20–30 جنية  ومخرج السماعه اغلى من السبوت

تركيب اللوحة من 500 لحد 1000 على حسب مساحة اللوحة .

دي اسعار تقريبية وبتختلف من مكان لمكان ولازم يتعمل معاينة للمكان علشان يتحدد السعر المظبوط

ملاحظات مهمة

  •  لو هتعمل بانوهات فيوتك في الحوائط لازم تقول للكهربائي عشان متلاقيش البانوه جاي ف علب الكهربا
  •  لو هتركب جاكوزي لازم تعرف الكهربائي عشان يعملك مخرج الكهربا بتاعه ومينساش فردة السلك الارضي بيكون متوصل بسيخ حديد موجود ف مكان ما تحت ف التربة وفايدتة ان لو فيه كهربا اتسربت للجاكوزى وشخص موجود فيه فالكهربا هتتسرب للحديد قبل جسم الانسان ونعمل فردة السلك الارضى ديه بردو فى برايز الجهد العالى ف المطبخ والحمامات .

الخلاصة :- الكهربا لازم تتعمل صح وبخامات نضيفة ومتينه ,,, ومتبخلش فيها عشان تحمي ولادك وأهلك من أي ضرر .