قدامك اختيارين فى تشطيب الشقه وهما :-

اول اختيار :-

انك تجيب مهندس يشطبلك الشقه واتفاقك معاه بيكون يا اما على نسبة إشراف محدده على إجمالي تكلفة الشقه والنسبة ديه بتكون بداية من  13 %  لحد  25 % , أو رقم محدد المهندس هياخده على دفعات فى أوقات محدده متوزعة على مراحل التشطيب مقابل انه هينفذلك البنود اللي اتفقتوا عليها .

والاهم العقد ثم العقد ثم العقد عشان متختلفوش في حاجه بعد كدة

وفي حالة انك جبت مهندس بترتاح من هم الصنايعيه ومشاكل الشغل والاستلام و حساب الصنايعيه وطلباتهم وانك كل شوية بتسيب شغلك عشان تروح تبص على شقتك او فيلتك + ان المهندس هيوفرلك كتير بعكس ماانت متخيل .

ثاني إختيار :

انك بتختار الطريق الأصعب ولكن بيكون ممتع لأن تجربته هتكون مختلفة بالنسبالك وهو انك تشطب شقتك بنفسك ودة اللى هنشرحهولك بالتفصيل بعد كدة وهنساعدك فيه .

بس تعالي دلوقتي نتكلم سواء هتشطب مع نفسك او هتجيب مهندس يشطبلك شقتك :
لازم لازم لازم تكون عارف تقريبا كدة تكلفة شقتك هتكون كام ,, هل دة سهل تعمله ؟ أه سهل .
طب ليه لازم تعرف ف الاول ؟
لأنك ممكن ف وسط الشغل تكتشف انك صرفت فلوس كتير ومعاكش تكمل الشغل وكان ممكن توفر في خامات معينه عشان تقدر تكمل . وله مقاله خاصة باسم (  ازاى تحسب تكلفة شقتك فى التشطيبات )